அனிஷ் ஆர் கிருஷ்ணா இயக்கத்தில் நாகசௌர்யா கதாநாயகனாக நடித்து இருக்கும் படம் “கிருஷ்ண விருந்தா விஹாரி”. இதன் கதாநாயகியாக ஷெர்லி செட்டியா நடித்து இருக்கிறார். இந்த படத்தை ஐரா கிரியேஷன்ஸ் சார்பாக பிரபல தயாரிப்பாளர் உஷா முல்பூரி தயாரித்து உள்ளார். இப்படத்தின் டீசர் அண்மையில் வெளியாகி நல்ல வரவேற்பை பெற்றது. மஹதி ஸ்வர சாகர் இசை அமைத்துள்ள இந்த படம் செப்டம்பர் 23ம் தேதி உலகம் முழுதும் திரையரங்குகளில் வெளியாகிறது.
பொதுவாகவே நடிகர்கள் தங்களது திரைப் படங்களை விளம்பரப்படுத்துவதில் அதிக ரிஸ்க் எடுப்பதில்லை. எனினும் அவர்கள் வழக்கமான (அல்லது) தனித்துவமான விளம்பர நிகழ்வுகளில் கலந்துகொள்கின்றனர். ஆனால் இந்த மாதம் 23ம் தேதி திரையரங்குகளில் வெளியாகும் தன் கிருஷ்ண விருந்தா விஹாரி திரைப்படத்திற்கு மிகப் பெரிய மைலேஜ் தரவேண்டும் என ரிஸ்க் எடுக்க நாக சௌர்யா முடிவு செய்து உள்ளார்.
இதற்கென திருப்பதியிலிருந்து விசாகப்பட்டினம் வரை மொத்தம் 7 நாட்கள் சுற்றுப் பயணம் மேற்கொள்ள திட்டமிட்டுள்ளார். இது ஆந்திர மாநிலம் தழுவிய பாதயாத்திரை ஆகும். திருப்பதியில் ஆரம்பித்து தற்போது 3வது நாளாக யோ விஜயவாடாவை அடைந்து உள்ளார். மழைவெயில் என பாராமல் ஓய்வு எடுக்காமல் நடந்து கொண்டிருக்கும் நாக சௌர்யாவுக்கு பாராட்டுக்கள் குவிந்து வருகிறது. படத்தின் விளம்பரத்துக்காக அவர் எடுத்திருக்கும் இம்முயற்சி அனைவரையும் வியப்பில் ஆழ்த்தி இருக்கிறது.