சிம்பு குறித்து கௌதம் மேனன் பேசியுள்ளார்.
குழந்தை நட்சத்திரமாக அறிமுகமாகி முன்னணி நடிகராக வலம் வருபவர் சிம்பு. இடையில் படவாய்ப்புகள் இல்லாமல் பல சறுக்கல்களை சந்தித்த இவர் மாநாடு திரைப்படத்தின் மூலம் ரீ-என்ட்ரி கொடுத்தார். அதன் பின் இவருக்கு டாக்டர் பட்டம், பல பட வாய்ப்புகள், விளம்பரங்கள், பிக்பாஸ் நிகழ்ச்சி என அடுத்தடுத்து அசத்தி பிஸியாக இருக்கின்றார் சிம்பு. இவர் தற்போது கௌதம் மேனன் இயக்கத்தில் வெந்து தணிந்தது காடு திரைப்படத்தில் நடித்துள்ளார். ஏ.ஆர்.ரகுமான் இத்திரைப்படத்திற்கு இசையமைத்துள்ளார். படத்தில் கிராமத்து இளைஞனான சிம்பு ஊர்களில் கூலி வேலை செய்து வருகிறார். இத்திரைப்படம் சென்ற செப்டம்பர் மாதம் 15 ஆம் தேதி வெளியாகி மக்களிடையே நல்ல வரவேற்பை பெற்றுள்ளது.
இந்த நிலையில் இயக்குனர் கவுதம் மேனன் அண்மையில் சிம்பு குறித்து பேசி இருக்கின்றார். அவர் கூறியுள்ளதாவது, சிம்பு மட்டும் என்னுடன் என் வீட்டிலேயே சில காலம் தங்கி இருந்தார் என்றால் அவரை நான் கண்டிப்பாக வேற லெவலுக்கு கொண்டு சென்றிருப்பேன் என கூறி இருக்கின்றார். என்னவென்றால் இடையில் சில காலம் சிம்பு ஷூட்டிங்கிற்க்கு சரியாக வரவில்லை என குற்றச்சாட்டு எழுந்தது. அதனால்தான் இயக்குனர் கௌதம் மேனன் தற்போது இப்படி கூறியிருக்கின்றார் என பேசப்பட்டு வருகின்றது.