இந்தியன் 2 படத்தில் சிங்கிள் ஷாட் காட்சியில் கமல் நடித்து அசத்தி இருப்பதாக இணையத்தில் செய்தி வைரலாகி வருகின்றது.
தமிழ் சினிமாவில் முன்னணி நடிகராக வலம் வருவார் கமலஹாசன். இவர் தனக்கென்று தனி பட்டாளத்தையும் உருவாக்கி உள்ளார். கமலஹாசன் நடிப்பில் இந்தியன் 2 படம் இயக்கப் போவதாக சங்கர் அறிவித்து, அதன் பின் படப்பிடிப்பு பணிகளும் தொடங்கியது. ஆனால் பல்வேறு காரணங்களால் படப்பிடிப்பு பணிகள் நிறுத்தப்பட்டது. அதன் பிறகு ஷங்கர், கமலஹாசன் வெவ்வேறு படங்களில் தங்களின் கவனத்தை செலுத்தினர்.
இந்த நிலையில் படப்பிடிப்பு மீண்டும் தொடங்கப்பட்ட விறுவிறுப்பாக நடந்து வருகின்றது. தற்பொழுது கமலின் காட்சிகள் படமாக்கப்பட்டு வரும் நிலையில் தனது அசாத்திய நடிப்பால் அனைவரையும் ஈர்த்துள்ளார். அது என்னவென்றால், 10 நிமிட காட்சியை சிங்கிள் ஷாட்டில் நடித்துக் கொடுத்து அனைவரையும் வியந்து போக செய்திருக்கின்றார். இடைவிடாது பத்து நிமிட காட்சியில் கிட்டத்தட்ட 14 மொழிகளில் வசனம் பேசி ஒரே டேக்கில் நடித்துக் கொடுத்திருக்கின்றாராம் கமல். இதை பார்த்த பட குழுவினர் அனைவரும் அசந்து போய் கைதட்டி கமலை பாராட்டினார்களாம். இந்த தகவல் தற்பொழுது சமூக வலைதளங்களில் ஹாட் டாப்பிக்காக பேசப்பட்டு வருகின்றது.