வெந்து தணிந்தது காடு திரைப்படத்தில் இடம்பெற்ற மல்லிகை பூ பாடல் குறித்து இயக்குனர் கௌதம் மேனன் பேசியுள்ளார்.
குழந்தை நட்சத்திரமாக அறிமுகமாகி முன்னணி நடிகராக வலம் வருபவர் சிம்பு. இடையில் படவாய்ப்புகள் இல்லாமல் பல சறுக்கல்களை சந்தித்த இவர் மாநாடு திரைப்படத்தின் மூலம் ரீ-என்ட்ரி கொடுத்தார். இவர் தற்போது கௌதம் மேனன் இயக்கத்தில் வெந்து தணிந்தது காடு திரைப்படத்தில் நடித்துள்ளார். ஏ.ஆர்.ரகுமான் இத்திரைப்படத்திற்கு இசையமைத்துள்ளார். படத்தில் கிராமத்து இளைஞனான சிம்பு ஊர்களில் கூலி வேலை செய்து வருகிறார். இத்திரைப்படம் சென்ற செப்டம்பர் மாதம் 15 ஆம் தேதி வெளியாகி மக்களிடையே நல்ல வரவேற்பை பெற்றுள்ளது.
இத்திரைப்படத்தின் ஹைலைட்டான விஷயங்களில் ஒன்று மல்லிகை பூ பாடல். இந்த பாடலானது ஏ.ஆர்.ரகுமான் இசையில் மதுஸ்ரீயின் குரலில் ஹிட்டடித்துள்ளது. இந்த நிலையில் இத்திரைப்படத்தின் சக்ஸஸ் மீட்டில் இயக்குனர் கௌதம் மேனன் இப்பாடல் குறித்து பேசி உள்ளார். அவர் கூறியுள்ளதாவது, முதலில் இப்படத்தில் மல்லிகை பூ பாடல் இடம் பெறவில்லை. பின்பு ஏ.ஆர்.ரகுமான் இந்த படத்தில் இது போன்ற பாடல் வந்தால் நன்றாக இருக்கும் என கூறியதை தொடர்ந்து மல்லிகை பூ பாடல் இத்திரைப்படத்தில் இடம் பிடித்தது என கூறியுள்ளார்.