திருப்பதி கபிலேஸ்வரர் கோவிலில் நவராத்திரி உற்சவம் வருகிற 27-ஆம் தேதியில் இருந்து அக்டோபர் மாதம் 5-ஆம் தேதி வரை நடைபெற உள்ளது. இதற்காக காமாட்சியம்மன் தினமும் பல்வேறு அலங்காரங்களில் எழுந்தருளி பக்தர்களுக்கு காட்சியளிக்கிறார். வருகிற 23-ஆம் தேதி கோவிலில் ஆலய சுத்தி எனப்படும் கோவில் ஆழ்வார் திருமஞ்சனம் நடைபெற உள்ளது.
இதனையடுத்து 26-ஆம் தேதி கலச ஸ்தாபனம், அங்குரார்ப்பணம், 27-ஆம் தேதி காமாட்சிதேவி அலங்காரம், 28-ஆம் தேதி ஆதிபராசக்தி அலங்காரம், 29-ஆம் தேதி மாவடி சேவா அலங்காரம், 30-ஆம் தேதி அன்னப்பூர்ணாதேவி அலங்காரம், அக்டோபர் மாதம் 1-ஆம் தேதி மஹாலட்சுமி அலங்காரம், 2-ஆம் தேதி சரஸ்வதிதேவி அலங்காரம், 3-ஆம் தேதி துர்காதேவி அலங்காரம், 4-ஆம் தேதி மகிஷாசுர மர்த்தினி அலங்காரம், 5-ஆம் தேதி விஜயதசமியை முன்னிட்டு அம்மன் சிவன்-பார்வதி அலங்காரத்தில் எழுந்தருளி பக்தர்களுக்கு அருள்பாலிக்கிறார். மேற்கண்ட தகவலை கோவில் அதிகாரிகள் தெரிவித்துள்ளனர்.