மினி லாரி சாலையில் கவிழ்ந்த விபத்தில் ஓட்டுநர் அதிர்ஷ்டவசமாக உயிர் தப்பினார்.
ஈரோடு மாவட்டத்திலுள்ள தாளவாடியில் இருந்து தக்காளி பாரம் ஏற்றிக்கொண்டு கோவை நோக்கி மினிலாரி சென்று கொண்டிருந்தது. இந்நிலையில் மினி லாரி திம்பம் மலைப்பாதையின் 11- வது கொண்டே ஊசி வளைவு அருகே சென்றது. அப்போது வளைவில் திரும்ப முயன்ற மினிலாரி ஓட்டுனரின் கட்டுப்பாட்டை இழந்து சாலையோரம் கவிழ்ந்து விபத்துக்குள்ளானது.
இந்த விபத்தில் ஓட்டுநர் அதிர்ஷ்டவசமாக உயிர்த்தப்பினார். ஆனால் வாகனத்தில் இருந்த தக்காளி பெட்டிகள் சாலையில் விழுந்ததால் சிறிது நேரம் போக்குவரத்து பாதிக்கப்பட்டது. இதுகுறித்து வழக்கு பதிவு செய்த போலீசார் விசாரணை நடத்தி வருகின்றனர்.