சிறுத்தை, வீரம், விஸ்வாசம், அண்ணாத்த ஆகிய பல்வேறு திரைப்படங்களை இயக்கிய சிவா இயக்கும் படத்தில் சூர்யா இப்போது நடித்துவருகிறார். சூர்யா 42 என தற்காலிகமாக பெயரிடப்பட்டுள்ள இந்த படத்தை ஸ்டுடியோ கிரீன் மற்றும் யுவிகிரியேஷன் நிறுவனம் இணைந்து தயாரிக்கின்றனர். இந்த திரைப்படத்தில் பாலிவுட் நடிகை திஷா பத்தானி, யோகிபாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கியமான கதாபாத்திரங்களில் நடிக்கின்றனர்.
தேவிஸ்ரீ பிரசாத் இசையமைக்கவுள்ள இந்த படத்தின் படப்பிடிப்பு சில நாட்களுக்கு முன் பூஜையுடன் துவங்கி முழுவீச்சில் நடந்து வருகிறது. 3டி முறையில் சரித்திர படமாக 10 மொழிகளில் வெளியாக இருக்கிறது. இப்படத்தில் சூர்யா 5 கேரக்டர்களில் நடிக்கவுள்ளதாக கூறப்படுகிறது. அத்துடன் இதன் படப்பிடிப்பு கோவாவில் துவங்கி இருக்கிறது. அங்கு சூர்யா, திஷா பதானி நடிக்கும் காட்சிகள் படமாக்கப்பட்டு வருவதாகவும், இதற்கென பிரம்மாண்ட செட் அமைக்கப்பட்டுள்ளதாகவும் தகவல் வெளியாகியுள்ளது.
