நடிகர் அஜித் தமிழ் சினிமாவில் பிரபல முன்னணி நடிகராக வலம் வருகிறார். இயக்குனர் வினோத் இயக்கத்தில் இவர் நடிப்பில் சமீபத்தில் வெளியான திரைப்படம் ‘வலிமை’. போனி கபூர் தயாரித்த இந்த திரைப்படம் ரசிகர்கள் மத்தியில் நல்ல வரவேற்ப்பை பெற்றது. இதனையடுத்து இவர் மீண்டும் இயக்குனர் வினோத் இயக்கத்தில் ”AK 61” படத்தில் நடிக்கிறார்.
ஹெச். வினோத் – அஜித் – போனி கபூர் கூட்டணியில் உருவாகியுள்ள மூன்றாவது படத்துக்கு ‘துணிவு’ என்று தலைப்பிடப்பட்டுள்ளது. இப்படத்தின் ஃபர்ஸ்ட் லுக் போஸ்டர் வெளியாகி பெரும் வரவேற்பை பெற்ற நிலையில், இன்று இப்படத்தின் இரண்டாவது லுக்கை படக்குழு வெளியிட்டுள்ளது. க்ளோஸ்-அப் ஷாட்டில் கூலிங் கிளாஸ் அணிந்தபடி செம ஸ்டைலிஷ் லுக்கில் இருக்கிறார் அஜித்.