“பல்வேறு இடங்களில் கைவரிசை” வாலிபரை மடக்கி பிடித்த போலீசார்…. விசாரணையில் தெரிந்த உண்மை….!!

பல்வேறு இடங்களில் இருசக்கர வாகனங்களை திருடிய நபர் கைது செய்யப்பட்டுள்ளார்.

கோயம்புத்தூர் மாவட்டத்தில் உள்ள அரசு மருத்துவமனைக்கு நோயாளிகளை அழைத்துச் செல்பவர்கள் தங்களது இருசக்கர வாகனங்களை நிறுத்திவிட்டு செல்கின்றனர். அந்த வாகனங்கள் அடிக்கடி திருடு போவதாக ரேஸ்கோர்ஸ் காவல் நிலையத்தில் புகார்கள் வந்தது. மேலும் அரசு கலைக் கல்லூரி சாலை, ஆர்.எஸ் புரம் உள்ளிட்ட நகரின் முக்கிய பகுதிகளில் மோட்டார் சைக்கிள்கள் திருடு போனது.

இதுகுறித்து வழக்கு பதிவு செய்த போலீசார் நடத்திய விசாரணையில் உடையாம்பாளையம் பகுதியில் வசிக்கும் ராஜேஷ்(30) என்பவர் இருசக்கர வாகனங்களை திருடி சென்றது தெரியவந்தது. இதனை அடுத்து போலீசார் ராஜேஷை கைது செய்து விசாரணை நடத்திய போது அவர் 22 இரு சக்கர வாகனங்களை திருடியதாக ஒப்புக்கொண்டார். மேலும் திருடிய வாகனங்களை ராஜேஷ் குறைந்த விலைக்கு விற்பனை செய்துள்ளார். இதனை அடுத்து போலீசார் ராஜேஷை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.