ஐசரி கணேஷ் தயாரித்து, கவுதம் வாசுதேவ் இயக்கத்தில் சிம்பு கதாநாயகனாக நடித்து வெளியாகிய “வெந்து தணிந்தது காடு” திரைப்படம் வெற்றிகரமாக ஓடிக்கொண்டிருக்கிறது. இது தொடர்பாக படத்தின் தயாரிப்பாளர் கூறியிருப்பதாவது “வெந்து தணிந்தது காடு திரைப்படம் தமிழகத்தை தாண்டி பல்வேறு இடங்களில் பெரிய வெற்றியை பெற்றுள்ளது. இப்படத்தில் சிம்பு, கதாபாத்திரமாகவே வாழ்ந்திருக்கிறார். அவருடைய நடிப்பு பெரிய தாக்கத்தை ஏற்படுத்தியுள்ளது. இதற்காக சிம்பு தேசியவிருது வாங்குவார். இந்த படத்திற்காக அவர் கடினமாக உழைத்தார்.
இயக்குனர் கவுதம் வாசுதேவ் மேனன் அவருடைய பாணியிலிருந்து மாறுபட்டு இப்படத்தை இயக்கி இருக்கிறார். வெந்து தணிந்தது காடு 2ம் பாகமானது விரைவில் தயாராகும். அதற்குரிய பணிகள் நடைபெற்று வருகிறது” என்று கூறினார். அதன்பின் சிலம்பரசன் கூறியதாவது “என் படம் எந்த பிரச்சினையும் இன்றி வெளிவந்தது இது தான் முதல்முறை. இந்த படத்திற்காக நான் ஒல்லியாக மாறினேன். இதனால் என் உருவத்தை யாரும் கேலி செய்யவில்லை. உருவத்தை கேலிசெய்யக்கூடாது” என்று கூறினார்.