பிரித்தானியாவை தளமாகக் கொண்ட வடிவமைப்பாளரால் உருவாக்கப்பட்ட சவப்பெட்டி வடிவ அலுவலக நாற்காலிகளின் வரிசை, தங்கள் கணினிகளில் நீண்ட நேரம் வேலை செய்பவர்களுக்காக வடிவமைக்கப்பட்டுள்ளது.
பிரித்தானியாவை தளமாகக் கொண்ட வடிவமைப்பாளரால் உருவாக்கப்பட்ட சவப்பெட்டி வடிவ அலுவலக நாற்காலிகளின் வரிசை, தங்கள் கணினிகளில் நீண்ட நேரம் வேலை செய்பவர்களுக்காக வடிவமைக்கப்பட்டுள்ளது. இதற்கு அவர் The Last Shift Office Chair அல்லது Chair Box என்று பெயரிட்டுள்ளார். இந்த நாற்காலி சவப்பெட்டிகளின் வடிவமைப்பால் ஈர்க்கப்பட்டு ஒரு சவப்பெட்டியை ஒத்த முறையில் கட்டமைக்கப்பட்டுள்ளது. இது இடுப்புக்கு ஆதரவாக எவ்வாறு செயல்படக்கூடும் என்று சந்தேகம் இருந்தாலும், இந்த புதுவித முயற்சி பலரது கவனத்தை ஈர்த்துள்ளது. மேலும், இந்த நாற்காலியில் ஒருவர் தொடர்ந்து அமர்ந்திருக்க தேவையில்லை என்பதற்காகவே வடிவமைக்கப்பட்டுள்ளது.
ஆறு முதல் எட்டு மணிநேரம் வரை உட்கார்ந்திருப்பது இறந்துவிடும் அபாயத்தை அதிகரிக்கின்றது என்று ஒரு ஆய்வு கண்டறியப்பட்டுள்ளதாக இதனை வடிவமைத்த நபர் கூறினார். இதனை தொடர்ந்து மனிதர்கள் ஒரு நாளைக்கு எட்டு மணி நேரம் இருக்கைகளில் உட்கார்ந்து நேரத்தை செலவழிப்பதற்கு வடிவமைக்கப்படவில்லை. Chair Box வலைத்தளத்தின்படி, நம் உடல்கள் முழுமையாக அதற்கேற்ப இன்னும் சரிசெய்யப்படவில்லை. உடற்பயிற்சி இன்னும் போதுமானதாக இல்லை. மேலும், பிரித்தானிய சட்டத்தின்படி, முதலாளிகள் தங்கள் பணியிடங்களில் நின்று வேலைப்பார்க்கக்கூடிய மேசைகளை அமைத்துத்தர வேண்டும். இது குறித்த விழிப்புணர்வு இருந்தாலும், அது போதுமானதாக இல்லை என்று கூறுகின்றது.
இந்த யோசனை எப்போது ஏற்பட்டது என்று கேட்டபோது, இது குறித்து சேர்பாக்ஸ் வடிவமைப்பாளர் கூறியதாவது, “தனது நண்பரின் அறையில் தரையில் கால்களை முட்டுக்கொடுத்து சோபாவில் அமர்ந்திருந்ததால் அவ்வாறு செய்ததாக”அவர் கூறினார். இதற்கு அவரின் நண்பர் நகைச்சுவையாக கூறியதாவது, “நான் இதே தோரணையில் இறந்தால், என்னை அப்படி அடக்கம் செய்ய வேண்டும் என்று நினைத்தேன். என்னை சவப்பெட்டியில் வைப்பது மிகவும் சிரமமாக இருக்கும். அதனால் எனக்காக ஒரு சிறப்பு சவப்பெட்டி தேவைப்படும்” என்று அவர் கூறியுள்ளார். மேலும் அதைப் பற்றி என் நண்பரிடம் சொன்னபோது சிரித்தோம், ஆனால் இரண்டு வாரங்களுக்குப் பிறகு, அந்த யோசனையை இன்னும் கொஞ்சம் ஆராய்ந்து CAD மென்பொருளில் 3D மாதிரியை உருவாக்கியுள்ளார்.