திண்டுக்கல் குடைபாறைப்பட்டிபாறை பட்டியை சேர்ந்த பாஜக பிரமுகரின் வாகனம் தீவைக்கப்பட்ட சம்பவத்தில் ஒருவரை போலீசார் கைது செய்துள்ளனர்.
திண்டுக்கல் பாஜக நிர்வாகி செந்தில் பால்ராஜ். இவர் குடைபாறைப்பட்டிபாறை பட்டியில் ஆட்டோ கன்சல்டிங் தொழில் செய்து வருகிறார். பாரதிய ஜனதா கட்சியின் கிழக்கு மாவட்ட திண்டுக்கல் மாநகர் மேற்கு மண்டல தலைவரான இவரது வாகனங்களை நேற்று நள்ளிரவு சுமார் 3 மணி அளவில் மர்ம நபர்கள் கார் மற்றும் ஐந்து இருசக்கர வாகனங்களை தீ வைத்து கொளுத்தினர்.
இந்த சம்பவம் அப்பகுதியில் பெரும் பரபரப்பை ஏற்படுத்திய நிலையில், இது குறித்து திண்டுக்கல் நகர் தெற்கு காவல் துறை போலீசார் வழக்கு பதிவு செய்து விசாரணை மேற்கொண்டு வந்தனர். இந்நிலையில் இந்த சம்பவம் குறித்து வாகனங்களை தீ வைத்தது யார் ? என டிஎஸ்பி கோகுல கிருஷ்ணன் தலைமையிலான போலீசார் தனிப்படை அமைத்து தீவிர விசாரணையில் ஈடுபட்டு வந்தனர்.
இதற்கிடையே இன்று திண்டுக்கல் பேகம்பூர் பகுதியைச் சேர்ந்த சிக்கந்தர் பாஷா என்பவரை கைது செய்த தனிப்படை போலீசார். அவரிடம் தொடர்ந்து விசாரணை மேற்கொண்டு வருகின்றனர். இதனால் தற்பொழுது இந்த சம்பவம் குறித்து பல்வேறு பரபரப்பான தகவல்கள் தற்போது வெளியாகி உள்ளன.