அப்யானில் அரசு படைகளுக்கும், அல்-கொய்தா தீவிர அமைப்பினர்களுக்கும் இடையே ஏற்பட்ட மோதலில் 24 அல்-கொய்தா தீவிரவாதிகள் சுட்டுக் கொல்லப்பட்டுள்ளனர்.
அரேபிய தீபகற்பத்திலுள்ள ஏமனை தளமாக கொண்ட அல்-கொய்தா தீவிரவாத கும்பல் தெற்கு மாகாணங்களில் அவ்வப்போது தீவிரவாத தாக்குதல்களை நடத்தி வருகின்றனர். அந்த வகையில் ஏமன் அரசாங்கத்திற்கும், ஹூதி போராளிகளுக்கும் இடையே நடக்கும் மோதலை பயன்படுத்தி அல்-கொய்த அமைப்புகளும் அரசுக்கு எதிராக தீவிரவாத தாக்குதல்களை நடத்தி வருகின்றனர். இந்நிலையில் ஏமனின் தெற்கு மாகாணமான அப்யானில் அரசு படைகளுக்கும், அல்-கொய்தா தீவிரவாத அமைப்பினர்களுக்கும் இடையே ஏற்பட்ட மோதலில் அல்கொய்தா தீவிரவாதிகள் சுட்டுக் கொல்லப்பட்டனர்.
இது குறித்து ஏமன் அரசு வட்டாரங்கள் கூறியதாவது, “தீவிரவாத தடுப்பு நடவடிக்கையின் ஒரு பகுதியாக அல்-கொய்தா தீவிரவாதிகள் பதுங்கி இருந்த பகுதிகளில் தீவிரமாக தேடுதல் வேட்டை நடத்தப்பட்டு வருகின்றது. இதனைத் தொடர்ந்து எதிர்தாக்குதல் நடத்திய 24 தீவிரவாதிகள் சுட்டுக் கொல்லப்பட்டுள்ளனர். கடந்த பல வாரங்களாக நடந்த சண்டைக்கு மத்தியில் கிட்டத்தட்ட நான்கு மாவட்டங்களிலிருந்து அல்-கொய்தா தீவிரவாதிகள் விரட்டப்பட்டுள்ளனர். மேலும் கடந்த சில நாட்களாக நடத்தப்பட்ட இரு தரப்பு தாக்குதலில் 32 வீரர்கள் கொல்லப்பட்டுள்ளனர்” என்பது குறிப்பிடத்தக்கது.