தமிழகத்தில் வெடிகுண்டு கலாச்சாரத்தை தடுத்து நிறுத்தி, மக்கள் அச்சமின்றி வாழ தேவையான நடவடிக்கைகளை எடுக்க விடியா திமுக அரசின் முதலமைச்சருக்கு வலியுறுத்தல் என்ற தலைப்பில் அதிமுக இடைக்கால பொதுச் செயலாளரும், சட்டமன்ற எதிர்க்கட்சித் தலைவருமான எடப்பாடி பழனிச்சாமி அவர்கள் அறிக்கை வெளியிட்டுள்ளார்.
அதில், அனைத்திந்திய அண்ணா திராவிட முன்னேற்றக் கழக ஆட்சியில் தமிழகம் அமைதி பூங்காவாக திகழ்ந்தது. சட்டத்தின் ஆட்சி நடைபெற்றது. தமிழக காவல்துறை சட்டப்படி நியாயமாக, சுதந்திரமாக செயல்பட்டது. குற்றவாளிகள் இரும்பு கரம் கொண்டு அடக்கப்பட்டனர். மக்கள் அச்சமின்றி வாழ்ந்தனர். இது இரண்டு ஆண்டுகளுக்கு முன்பு அம்மாவின் ஆட்சியில் இருந்த நிலை. ஆனால் இந்த விடியா அரசு பொறுப்பேற்றவுடன், தமிழகம் போதைப்பொருளின் கூடாரமாக மாறி உள்ளது. பாலியல் பலாத்காரம் சர்வசாதாரணமாக தினசரி நடைபெறுகின்றன.
குற்றவாளிகள் அச்சமின்றி சுதந்திரமாக ஆயுதங்களுடன் நடமாடி வரும் நிகழ்வுகள் அனைத்து ஊடகங்களிலும், நாளிதழ்களிலும் செய்தியாக வருகின்றன.இது போன்ற நிகழ்வுகளினால் மக்கள் பெரிது அச்சத்துடனே வாழ்கிறார்கள். குறிப்பாக பெண்கள் வீட்டில் இருந்து வெளியே செல்லவே அச்சப்படுகின்றனர். கடந்த வாரத்தில் கோவை, திருப்பூர், சேலம், மதுரை, தாம்பரம் உள்ளிட்ட பல இடங்களில் பெட்ரோல் குண்டு வீசப்படுகின்றன. தமிழகத்தில் போதைப்பொருள் கலாச்சாரம் போன்று, பெட்ரோல் வெடிகுண்டு கலாச்சாரமும் தலைதூக்கி உள்ளது.
எங்களது ஆட்சியில் சுதந்திரமாக, சட்டப்படி செயல்பட்ட காவல்துறை தற்போது செயலற்று உள்ளது. இதுபோன்ற வன்முறைகளைக் கட்டுப்படுத்த முடியாமல் தன்னை சுற்றி என்ன நடக்கிறது என்றே தெரியாமல் மாய உலகம் ஒன்றில் வாழும் ஒரு நிர்வாக திறனற்ற முதலமைச்சரை தமிழகம் பெற்றுள்ளது வேதனைக்குறியது.
இந்த விடியா அரசு ஆட்சிப் பொறுப்பேற்றவுடன், தமிழகம் போதைப் பொருட்களின் கூடாரமாக மாறி உள்ளது. கொலை, கொள்ளை, பாலியல் பலாத்காரங்கள் சர்வ சாதாரணமாக தினசரி நடைபெறுகின்றன. தமிழகத்தில் போதைப் பொருள் கலாச்சாரம் போன்று. வெடிகுண்டு கலாச்சாரமும் தலைதூக்கி உச்சத்தில் உள்ளது 1/3 pic.twitter.com/NSGytDY1ri
— Edappadi K Palaniswami (@EPSTamilNadu) September 26, 2022
எப்போதெல்லாம் திமுக ஆட்சி அமைக்கிறதோ அப்போதெல்லாம் வெடிகுண்டு கலாச்சாரம் தமிழகத்தில் தலைவிரித்து ஆடுகிறது. தனிமனிதரின் உயிருக்கும், உடைமைக்கும் பாதுகாப்பு இல்லாத சூழ்நிலை ஆளும் திமுகவினர் உருவாக்கி வருகின்றனர். இது அமைதியான தமிழகத்திற்கு மிகவும் ஆபத்தான போக்காகும். இனியாவது இந்த விடியா அரசு வெடிகுண்டு கலாச்சாரத்தை கட்டுப்படுத்தி, தமிழக மக்கள் அச்சமின்றி வாழ தேவையான நடவடிக்கைகளை எடுக்க வேண்டும் என வலியுறுத்துகிறேன் என அறிக்கை மூலம் தெரிவித்தார்.