சர்ச்சைக்கு பெயர் போன நடிகை மீரா மிதுன் தாழ்த்தப்பட்டவர்கள் மீது அவதூறாக கருத்து பரப்பியதையடுத்து கைது செய்யப்பட்டு சிறையில் அடைக்கப்பட்டார். பின்னர் அவர் ஜாமினில் வெளியே வந்தார். இந்த வழக்கு விசாரணை சென்னை முதன்மை அமர்வு நீதிமன்றத்தில் நடந்து வருகிறது. இந்த நிலையில் இந்த வழக்கு நேற்று விசாரணைக்கு வந்த போது மீரா மிதுனுக்கு எதிராக பிடிவாரண்டை செயல்படுத்துவதற்காக அவரை பல இடங்களில் தேடியும் கண்டுபிடிக்க முடியவில்லை.
அவர் தன்னுடைய இருப்பிடத்தை அடிக்கடி மாற்றி வருவதால் கண்டுபிடிக்க முடியவில்லை என்றும் தலைமறைவாக இருக்கும் அவர் பெங்களூரில் இருப்பதாக தகவல் வந்துள்ளது. இதனையடுத்து அங்கு விரைந்து சென்று பார்த்த காவல்துறையினர் அவர் வேறு இடத்துக்கு தப்பி சென்றுவிட்டதாக கூறியுள்ளனர்.