நாளை(Oct-2)….. கோவை மாநகராட்சியில்….. இந்த கடைகள் திறப்பதற்கு தடை…. அதிரடி உத்தரவு….!!!

கோயம்புத்தூர் மாநகராட்சி கமிஷனர் பிரதாப் வெளியிட்ட செய்திக்குறிப்பில் கூறியிருப்பதாவது, அக்டோபர் 2-ஆம் தேதி(நாளை) காந்தி ஜெயந்தி தினம் கொண்டாடப்படுகிறது. தமிழக அரசு நாளை கோழி, ஆடு மற்றும் மாடுகளை வதை செய்வதற்கும், இறைச்சிகளை விற்பனை செய்வதற்கும் தடை விதித்துள்ளது. எனவே கோயம்புத்தூர் மாவட்டத்தில் இருக்கும் ஆட்டு இறைச்சி, கோழி இறைச்சி, மாட்டிறைச்சி மற்றும் பன்றி இறைச்சி கடைகளை திறக்க கூடாது. மேலும் நாளை கோவை மாநகராட்சியால் செயல்படுத்தப்பட்டு வரும் போத்தனூர், சக்தி ரோடு, உக்கடம் மற்றும் துடியலூர் மாநகராட்சி இறைச்சி கடைகள் மூடப்படும். இந்த உத்தரவை மீறி செயல்படுபவர்கள் மீது அதிகாரிகள் கடுமையான நடவடிக்கை எடுப்பர் என அதில் கூறப்பட்டுள்ளது.