கோவை மாவட்டத்தில் பல்வேறு புதிய திட்டங்களை கொண்டு வர வேண்டும் என்று மத்திய, மாநில அரசுகள் தீவிரம் காட்டி வருகின்றனர். இவற்றில் சில அறிவிப்ப்புடன் கிடப்பில் போட்டு விட்டனர். மற்றவை தொடங்கப்பட்டு மெதுவாக பணிகள் நடந்து வருகின்றன. சில ரத்து செய்யப்படுமோ? என்ற சந்தேகத்துடன் இருக்கின்றன. இவை அனைத்தும் ஒருங்கே நிறைவேறினால் கோவையின் முகமே மாறிவிடும், வளர்ச்சியில் பல அடித்து தூரம் பாயும் என்று சமூக ஆர்வலர்கள் தெரிவித்து வருகின்றனர்.
அதிலும் 17 திட்டங்கள் கோவையில் விரைவாக நிறைவேற்றப்பட வேண்டும் என்று சமூக வலைதளங்களில் கோரிக்கைகள் வைக்கப்பட்டு வருகிறது. இதனை பலரும் பகிர்ந்து வருகின்றனர். அந்தப் 17 திட்டங்களும் ஏற்கனவே நன்கு தெரிந்த விஷயங்கள் தான். அறிவிக்கப்பட்டு பயன்பாட்டிற்கு வராததால் நம் நினைவில் இருந்தே சென்றிருக்க வாய்ப்பு உண்டு. இவற்றை தான் இணைவாசிகள் தற்போது அரசுகளுக்கு நினைவூட்ட தொடங்கியுள்ளனர். அந்த 17 திட்டங்களை பற்றி பார்ப்போம்.
1 .கோவை மெட்ரோ
முதல்கட்ட மெட்ரோ ரயில் திட்டத்திற்கான விரிவான திட்ட அறிக்கை தயாரிக்கப்பட்டு விட்டது. இதற்கிடையில் பல்வேறு புதிய திட்டங்களின் குறுக்கீடானது திட்டத்தை தாமதப்படுத்தி வருகிறது. தற்போது நிலம் கையகப்படுத்தும் பணிகள் நடந்து வருகின்றன. மேலும் அடுத்த ஆண்டு கட்டுமானப் பணிகள் தொடங்கி 2027ல் நிறைவடையும் என்று கூறப்படுகிறது.
2 .கோவை – கரூர் பசுமைவழிச் சாலை + நார்தர்ன் ரிங் ரோடு
Feedback Infra Private Limited நிறுவனமானது விரிவான திட்ட அறிக்கையை தயாரித்து வருகிறது. இது நடப்பாண்டு இறுதியில் ஒப்புதல் பெற வாய்ப்புள்ளது.
3. பொள்ளாச்சி – திண்டுக்கல் நெடுஞ்சாலை
பணிகள் தொடங்கி நடைபெற்று வருகின்றன. உடுமலை, மடத்துக்குளம், ஒட்டன்சத்திரம் பகுதிகளில் பாலம் மற்றும் சாலை அமைக்கும் பணிகள் நடந்து வருகின்றன. மேலும் அடுத்த ஆண்டு இறுதியில் நிறைவடையும் என்று தெரிகிறது.
4 .கோவை விமான நிலைய விரிவாக்கம்நிலம் கையகப்படுத்தும் பணிகள் 80 சதவீதம் முடிந்துவிட்டன. ஜனவரி 2023ல் பணிகள் தொடங்க வாய்ப்பிருப்பதாக தகவல்கள் தெரிவிக்கின்றன.
5 .கோவை – சத்தியமங்கலம் 4 வழிச்சாலை
Feedback Infra Private Limited நிறுவனமானது விரிவான திட்ட அறிக்கையை தயாரித்து வருகிறது. தேசிய நெடுஞ்சாலை ஆணையம், தமிழக அரசு, தனியார் நிறுவனம் என 3 ஒருங்கிணைந்து செயல்பட உள்ளன.
6 .அவினாசி ரோடு மேம்பாலம்
தற்போது கட்டுமானப் பணிகள் நடந்து வருகின்றன. நீலாம்பூர் வரை நீட்டிப்பதற்கு அறிவிப்பு வெளியாகும் என்று எதிர்பார்க்கப்படுகிறது.
7 .அத்திக்கடவு – அவினாசி திட்டம்
இதன் 98% கட்டுமானப் பணிகள் நிறைவடைந்து விட்டது. எனவே நடப்பாண்டு இறுதியில் பயன்பாட்டிற்கு வரும் எனக் கூறப்படுகிறது.
8 .வெஸ்டர்ன் ரிங் ரோடு
முதல்கட்டமாக 13 கிலோமீட்டர் தூரத்திற்கான பணிகள் அடுத்த மாதம் தொடங்கவுள்ளது.
9 .பில்லூர் திட்டம்
10 .சூலூர் டிஃபன்ஸ் பார்க்
400 ஏக்கர் நிலம் கையகப்படுத்தப்பட்டுள்ளது. விரிவான திட்ட அறிக்கை தயாரிக்கப்பட்டு அதற்கான டெண்டர் கோரப்பட்டுள்ளது. எனவே விரைவில் பணிகள் தொடங்க இருக்கிறது.
11 .சூலூர் விமானப் படை தளம் விரிவாக்கம்
நிலம் கையகப்படுத்தும் பணிகள் தொடங்கியுள்ளன. ஆனால் மந்த கதியில் நடந்து வருவதால் தொடக்கம் என்பது கேள்விக்குறியாக உள்ளது.
12.நடைபெற்று வரும் மேம்பாலப் பணிகள்
உக்கடம், ஜி.என்.மில்ஸ், பெரியநாயக்கன்பாளையம் பகுதிகளில் மொத்தம் 3 பாலங்கள் கட்டுப்பட்டு வருகின்றன. இவற்றை விரைவுபடுத்த பொதுமக்கள் கோரிக்கை விடுத்துள்ளனர்.
சிங்காநல்லூர், துடியலூர், சாய்பாபா காலனி, சரவணம்பட்டி, லாவ்லே ரோடு, சுந்தராபுரம், கணபதி ஆகிய இடங்களில் மேம்பாலங்கள் கட்ட திட்டமிடப்பட்டுள்ளது.
14. எல்&டி பைபாஸ் விரிவாக்கம்
இதற்கான வேலைகளில் தேசிய நெடுஞ்சாலைத் துறை ஆணையம் தீவிரமாக ஈடுபட்டுள்ளது.
15.மல்டி மாடல் லாஜிஸ்டிக்ஸ் பார்க்
Aarvee Associates நிறுவனமானது விரிவான திட்ட அறிக்கையை தயார் செய்து வருகிறது. விரைவில் பணிகள் தொடங்கப்படவுள்ளது.
16.கோவை ஜங்ஷன் மறுசீரமைப்பு
இதற்கான சாத்தியக் கூறுகள் பற்றி ஆராயப்பட்டு வருகிறது. விரிவான திட்ட அறிக்கை தயாரிக்கும் பணிகள் விரைவில் தொடங்க வாய்ப்புள்ளது.
17 – வெள்ளலூர் ஒருங்கிணைந்த பேருந்து நிலையம்: