பைக் சாகசத்தில் ஈடுபட்ட பிரபல யூடியூபர் பினோய் சிக்னலில் வாகன விழிப்புணர்வு பிரச்சாரத்தில் ஈடுபட்டு வருகிறார்.
கடந்த செப்டம்பர் மாதம் ஒன்பதாம் தேதி நள்ளிரவில் சென்னை அண்ணா சாலை தேனாம்பேட்டை பகுதியில் பைக் சாகசத்தில் சில இளைஞர்கள் ஈடுபட்டதாக சமூக வலைதளத்தில் வீடியோ வெளியானது. இந்த வீடியோவை வைத்து போக்குவரத்து போக்குவரத்து போலீஸ் அதிகாரிகள் வழக்கு விசாரணை செய்தனர். இந்த வழக்கு விசாரணையில் சென்னையைச் சேர்ந்த இரண்டு இளைஞர்களை கைது செய்தனர்.
அவர்களிடம் நடத்திய விசாரணையில் ஹைதராபாத்தைச் சேர்ந்த யூடியூபர் பிரபலமான பினோய் பைக் சாகசத்தில் ஈடுபடும் சென்னை வந்திருந்ததாகவும் அவரோடு சேர்ந்து சாகசத்தில் ஈடுபட்டதாகவும் தெரிவித்துள்ளனர். இந்நிலையில் இதனால் அவர் மீது வழக்கு பதிவு செய்யப்பட்டது. இதையடுத்து, முன்ஜாமீன் பெற்ற அவர், தற்போது நீதிமன்ற நிபந்தனைப்படி வாகன விழிப்புணர்வு பிரச்சாரத்தில் ஈடுபட்டு வரும் வீடியோ வைரலாகி வருகிறது.