பொன்னியின் செல்வன் படத்தில் இளம் நந்தினியாக நடித்து பேபி சாரா அசத்தியுள்ளார்.
தமிழ் சினிமாவில் பிரபல குழந்தை நட்சத்திரமாக வலம் வருபவர் பேபி சாரா. இவர் இயக்குனர் விஜய் இயக்கத்தில் விக்ரம் நடிப்பில் வெளியான ‘தெய்வத்திருமகள்’ படத்தின் மூலம் அறிமுகமானார். இதனைத் தொடர்ந்து சைவம், நிலாச்சோறு, விழித்திரு ,சில்லுகருப்பட்டி போன்ற படங்களில் நடித்தார்.
மேலும், சில தெலுங்கு, ஹிந்தி மற்றும் மலையாள படங்களிலும் இவர் நடித்துள்ளார். இதனையடுத்து கடந்த வாரம் வெளியான ”பொன்னியின் செல்வன்” படத்தில் இவர் இளம் நந்தினி கதாபாத்திரத்தில் நடித்து ரசிகர்களை ஆச்சரியப்பட வைத்துள்ளார். சில நிமிடங்கள் மட்டும் நடித்திருந்தாலும் இவருடைய தோற்றமும் அழகும் ரசிகர்கள் மத்தியில் பேசும் படியாக உள்ளது. விரைவில் இவர் திரைப்படங்களில் கதாநாயகியாக நடிக்க வாய்ப்பு இருப்பதாக இணையத்தில் தகவல் பரவி வருகிறது.