பணப்பையை நேர்மையாக ஒப்படைத்த ஆட்டோ ஓட்டுனரை துணை போலீஸ் சூப்பிரண்டு பாராட்டியுள்ளார்.
நீலகிரி மாவட்டத்தில் உள்ள கூடலூரில் அப்சல்ஜா என்பவர் வசித்து வருகிறார். இவருக்கு நிஜாமுதீன்(41) என்ற மகன் உள்ளார். இவர் சொந்தமாக ஆட்டோ வைத்து ஓட்டி வந்துள்ளார். இந்நிலையில் நிஜாமுதீனின் ஆட்டோவில் பந்தலூரில் வசிக்கும் காசிராணி என்பவர் பயணம் செய்துள்ளார். இதனை அடுத்து இறங்கும்போது மணிபர்சை ஆட்டோவில் வைத்துவிட்டு காசிராணி சென்று விட்டார்.
பின்னர் ஆட்டோவில் மணிபர்ஸ் இருந்ததை பார்த்த நிஜாமுதீன் மணிபர்சை போலீசாரிடம் ஒப்படைத்துள்ளார். பின்னர் காசிராணி தான் தவறவிட்ட பர்சை பெற்றுக் கொண்டு சென்றார். நேர்மையாக செயல்பட்டு பணத்தை ஒப்படைத்த ஆட்டோ ஓட்டுனரை கூடலூர் போலீஸ் துணை சூப்பிரண்டு மகேஷ் குமார் பாராட்டியுள்ளார் b