”ஏஜென்ட் கண்ணாயிரம்” படம் குறித்த அப்டேட் வெளியாகியுள்ளது.
தமிழ் சினிமாவில் பிரபல காமெடி நடிகராக இருந்து தற்போது நடிகராக வலம் வருபவர் சந்தானம். இவர் தற்போது” ஏஜென்ட் கண்ணாயிரம்” படத்தில் நடித்து வருகிறார். இந்த படத்தில் ரியா சுமன், சுருதி ஹரிஹரன், முனிஸ்காந்த், புகழ் மற்றும் பலர் முக்கிய கதாபாத்திரத்தில் நடித்துள்ளனர்.
யுவன் சங்கர் ராஜா இசையமைக்கும் இந்த படத்தை மனோஜ் பிதா இயக்கியுள்ளார். சில மாதங்களாக நடைபெற்று வந்த இந்த படத்தின் படப்பிடிப்பு தற்போது முடிவடைந்து விட்டதாக படக்குழு அறிவித்துள்ளது. மேலும், இந்த படத்தின் மேக்கிங் வீடியோ ஒன்றையும் வெளியிட்டுள்ளனர். இந்நிலையில், இந்த திரைப்படம் நவம்பர் மாதம் திரைக்கு வர இருப்பதாக தகவல் வெளியாகியுள்ளது. இதனால் ரசிகர்கள் மிகுந்த எதிர்பார்ப்பில் உள்ளனர்.