ஐக்கிய அமீரகம் இந்தியாவின் திரைத்துறையை சேர்ந்த பல பேருக்கு கோல்டன் விசாவை வழங்கி வருகிறது. அதன்படி பாலிவுட் நடிகர்கள் சஞ்சய் தத், சாருக்கான், துஷார் கபூர், ஊர்வசி ரவுதாலா போன்ற பலர் இந்த விசாவை பெற்றிருக்கின்றன. இதனை தொடர்ந்து தென்னிந்தியாவை சேர்ந்த மம்முட்டி, மோகன்லால், பிரித்விராஜ், துல்கர் சல்மான், பார்த்திபன், மீரா ஜாஸ்மின், திரிஷா, அமலாபால், லட்சுமி ராய், காஜல் அகர்வால், பிரணிதா, ஆண்ட்ரியா, விஜய் சேதுபதி, மீனா, வெங்கட் பிரபு உள்ளிட்ட பல பேருக்கு இந்த கோல்டன் விசா வழங்கப்பட்டிருக்கிறது.
இந்த நிலையில் சமீபத்தில் நடிகர் சரத்குமார், கமல்ஹாசன், பாவனா போன்றோர் இந்த விசாவை பெற்றுள்ளனர். இந்த சூழலில் நடிகை குஷ்புவிற்கு ஐக்கிய அமீரகம் கோல்டன் விசாவை வழங்கி கௌரவித்திருக்கிறது. இது பற்றிய புகைப்படங்களை இணையத்தில் பகிர்ந்துள்ள குஷ்பூ ஐக்கிய அமீரகத்திற்கு நன்றி கோல்டன் விசாவை தாமதமாக பெற்றுக் கொண்டதற்கு மன்னித்து விடுங்கள் என பதிவிட்டு இருக்கிறார்.