தூத்துக்குடி மாணவர்கள் தொடர்ந்து அடிமுறை சிலம்பம் சுற்றி சாதனை படைத்தார்கள்.
தேனி மாவட்டத்தில் உள்ள சின்மனூரில் உலக சாதனைக்காக தொடர்ந்து சிலம்பம் சுற்றும் நிகழ்ச்சி நடைபெற்றது. இதில் தூத்துக்குடி மாவட்டத்தை சேர்ந்த பல்வேறு பள்ளி மாணவ-மாணவிகள் பங்கேற்று சிலம்பம் விளையாடினார்கள். இதில் தொடர்ந்து ஆறு மணி நேரம் அடிமுறை சிலம்பம் விளையாடி உலக சாதனை படைத்தார்கள்.
இதை அடுத்து சாதனை படைத்த மாணவ-மாணவிகளுக்கு பாராட்டு சான்றிதழ் வழங்கப்பட்டது. மேலும் சாதனை படைத்த மாணவ-மாணவிகள், தேசிய பயிற்சியாளர் வீரத்தமிழன் போர்க்கலை சிலம்பக் கூட ஆசான் சுடலைமணி, சிலம்பம் பயிற்சியாளர் வெள்ளைய ராஜா உள்ளிட்டோரை பள்ளி ஆசிரியர்கள் மற்றும் பொதுமக்கள் பாராட்டினார்கள்.