ஹிப் ஹாப் ஆதி மைக்கேல் ஜாக்சனின் ஜான் என்னும் பாட்டினை கேட்டு அவருக்கு ரசிகராகியுள்ளார். அதன் பின் அவரை போலவே ராப் பாடல்கள் பாட முடிவெடுத்து ஆதியும் ஜிவாவும் இணைந்து ஹிப்ஹாப் தமிழா என்று இசை குழுவை ஆரம்பித்துள்ளனர். இவர்களின் பல்வேறு பாடல்கள் youtubeலும், ரேடியோவிலும் வெளிவந்து பிரபலமாகியது. ஹிப் ஹாப் ஆதி இசையமைப்பாளர், நடிகர், இயக்குனர் என பன்முகத் தன்மை கொண்டவர். இவர் ஆம்பள, தனி ஒருவன், அரண்மனை 2, கதகளி, கத்தி சண்டை, இமைக்கா நொடிகள், கோமாளி போன்ற பல படங்களுக்கு இசையமைத்திருக்கின்றார்.
இதனையடுத்து மீசைய முறுக்கு என்னும் படத்தை இயக்கி கதாநாயகனாகவும் நடித்த அறிமுகம் ஆகியுள்ளார். அதனைத் தொடர்ந்து நட்பே துணை, நான் சிரித்தால், அன்பறிவு போன்ற படங்களிலும் கதாநாயகனாக நடித்துள்ளார். இந்த நிலையில் ஹிப்ஹாப் ஆதி தற்போது மரகத நாணயம் படத்தை இயக்கிய ஏ ஆர் கே சரவணன் இயக்கும் படத்தில் நடித்து வருகின்றார். பேண்டஸி காமெடி ஆக்சன் என்ற என்டர்டெய்னர் படமாக உருவாகி வரும் இந்த படத்தில் ஆதிரா ராஜ் கதாநாயகியாகவும் வினை ராய் வில்லனாகவும் நடித்திருக்கின்றனர்.
வீரன் என பெயரிடப்பட்டிருக்கின்ற இந்த படத்தில் முனீஸ் காந்த், காளி வெங்கட், சசி செல்வராஜ் போன்ற பலர் நடித்திருக்கின்றார்கள் படத்தை சத்யஜோதி பிலிம்ஸ் தியாகராஜன் வழங்க செந்தில் தியாகராஜன் மற்றும் அர்ஜுன் தியாகராஜன் தயாரித்துள்ளனர். இதன் இணை தயாரிப்பை ஜி சரவணன் மற்றும் சாய் சித்தார்த் செய்துள்ளனர். இந்த நிலையில் இந்த படத்தின் ஒழிப்பதிவு தீபக் டி மேனன் மேற்கொள்ள படத்தொகுப்பை ஜிகே பிரசன்னா கவனிக்க பாதி இசையமைத்துள்ளார். விறுவிறுப்பாக நடைபெற்று வந்த இந்த படத்தின் படப்பிடிப்பு நிறைவடைந்து இருப்பதாக படக்குழு அறிவிப்புள்ளது. மேலும் இந்த படத்தின் போஸ்ட் ப்ரோடுக்ஷன் பணிகள் தீவிரமாக நடைபெற்று வருவதாக கூறியுள்ளனர்.