பஞ்சாப் நேஷனல் வங்கியில் ரூபாய் 13000 கோடி மோசடி செய்துவிட்டு பிரிட்டனுக்கு தப்பி ஓடிய நீரவ் மோடி அந்த நாட்டு சிறையில் அடைக்கப்பட்டுள்ளார். இந்த நிலையில் தான் இந்தியாவிற்கு வந்தால் கொல்லப்படலாம் என்று அஞ்சுவதாக தெரிவித்துள்ளார். வைர வியாபாரி ஆன நீரவ் மோடி பிரட்டனில் இருந்து இந்தியாவிற்கு நாடு கடத்துவதற்கு எதிரான மேல்முறையீட்டு மனு விசாரணை லண்டன் நீதிமன்றத்தில் நடைபெற்று வருகிறது.
கடந்த பிப்ரவரி மாதம் லண்டனில் உள்ள வெஸ்ட் மின்ஸ்டர் மாஜிஸ்திரேட் நீதிமன்றம் அவர் இந்தியாவிற்கு நாடு கடத்தலாம் என்று தீர்ப்பளித்தது. இந்த தீர்ப்புக்கு எதிராக நீரவ்மோடி மேல்முறையீட்டு மனு தாக்கல் செய்தார். அந்த மனு மீதான விசாரணை டிசம்பர் மாதம் முதல் தொடங்கி நடைபெற்று வருகிறது. இந்த நிலையில் நீதிமன்ற வழக்கு விசாரணையின் போது சிறைத்துறை மனநல மருத்துவர் நேரில் ஆஜராகி ”இந்திய சிறைக்கு மாற்றினால் ஒன்று நான் சிறையில் தற்கொலை செய்துகொள்வேன் அல்லது என்னை கொன்று தொங்க விடுவார்கள்” என, அவருடைய மனநல ஆலோசகரிடம் இவ்வாறு புலம்பியுள்ளார்.