தமிழகத்தில் மின் நுகர்வோருக்கு முதல் 100 யூனிட்கள் இலவசமாக வழங்கப்படுகிறது. இது போன்று பல்வேறு சலுகைகள் மக்களுக்கு வழங்கப்பட்டு வருகிறது. இது போன்ற சலுகைகள் பெற விரும்பும் தகுதியான நபர் ஆதார் எண்ணை கொடுக்க வேண்டும் என்று தமிழக அரசு தெரிவித்துள்ளது. ஆதார் இல்லாதவர்கள் தங்களுக்கான எண் ஒதுக்கப்படும் வரை வேறு ஆவணங்களை அளிக்கலாம். அல்லது ஆதருக்கி விண்ணப்பித்த நகல் அளிக்கலாம் எனவும் கூறப்பட்டுள்ளது.
புகைப்படத்துடன் கூடிய வங்கி கணக்கு புத்தகம் அல்லது தேர்தல் ஆணையத்தால் வழங்கப்பட்ட வாக்காளர் அடையாள அட்டை உள்ளிட்ட ஏதேனும் ஒரு ஆவணத்தையும் அளிக்கலாம் எனவும் தெரிவிக்கப்பட்டுள்ளது. பயனாளிகள் தடங்கல் இல்லாமல் பலன்களை பெறுவதற்காக தமிழ்நாடு மின் உற்பத்தி மற்றும் பகிர்மான கழகம் ஆதார் தேவைகள் குறித்து பயனாளிகளுக்கு தெரியப்படுத்துவதற்காக விளம்பரம் செய்ய உள்ளதாக அதிகாரிகள் கூறியுள்ளனர். மின் கட்டணம் செலுத்தும் போதும் ஆதார் எண்ணை கொடுக்கலாம் என்று விளக்கம் அளித்துள்ளனர்.