தமிழகத்தில் அரசு மற்றும் தனியார் பள்ளிகளில்,தொடக்கப்பள்ளி ஆசிரியராக பணியாற்றுவதற்கான டெட் என்ற தகுதி தேர்வு ஆசிரியர் தேர்வு வாரியம் சார்பாக நடத்தப்படுகின்றது. அதில் முதல் தாள் தேர்வு இன்று முதல் அக்டோபர் 20 ஆம் தேதி வரை கணினி வழி தேர்வாக நடைபெறும்.அந்த தேர்வுக்கு 2.30 லட்சம் பேர் விண்ணப்பித்துள்ள நிலையில் முதல் முறையாக இந்த தேர்வு கணினி வழியில் நடைபெறுகிறது. 300க்கும் மேற்பட்ட மையங்களில் இந்த தேர்வு நடைபெறுகிறது .
இந்த தேர்வுக்காக தனியார் பள்ளி, இன்ஜினியரிங்,கலை மற்றும் அறிவியல் கல்லூரிகளில் உள்ள கணினி வகுப்புகள் தேர்வு மையங்களாக மாற்றம் செய்யப்பட்டுள்ளன. மேலும் காலை மற்றும் பிற்பகல் என இரண்டு பிரிவுகளாக தேர்வர்களுக்கு மையங்கள் ஒதுக்கீடு செய்யப்பட்டுள்ள நிலையில் முறைகேடு என்று தேர்வு நடத்துவதற்கு ஆசிரியர் தேர்வு வாரியம் பல்வேறு ஏற்பாடுகளை செய்துள்ளது குறிப்பிடத்தக்கது.