ஆசியக்கோப்பை இறுதிப்போட்டியில் இலங்கை மகளிர் அணி 65 ரன்னில் சுருண்டது..
8ஆவது மகளிர் ஆசிய கோப்பை கிரிக்கெட் போட்டி தொடர் வங்கதேசத்தில் தற்போது இறுதி கட்டத்தை எட்டியுள்ளது. இந்த தொடரில் மொத்தம் 7 அணிகள் பங்கேற்ற நிலையில், லீக் சுற்று முடிவில் இந்தியா, பாகிஸ்தான், இலங்கை, தாய்லாந்து ஆகிய 4 அணிகள் அரையிறுதிக்குள் நுழைந்தது. இதில் நடப்புச் சாம்பியன் வங்கதேசம், ஐக்கிய அரபு அமீரகம் மற்றும் மலேசியா ஆகிய 3 அணிகள் வெளியேறியது. இதையடுத்து நடைபெற்ற முதல் அரை இறுதியில் தாய்லாந்து அணியை இந்தியா 74 ரன்கள் வித்தியாசத்தில் வீழ்த்தியது.இதனைத்தொடர்ந்து இரண்டாவது அரையிறுதியில் இலங்கை மகளிர் அணி பாகிஸ்தான் மகளிர் அணியை 1 ரன்னில் வீழ்த்தி த்ரில் வெற்றி பெற்றது.
இந்நிலையில் இந்தியா மற்றும் இலங்கை அணிகளுக்கு இடையேயான இறுதிப் போட்டி சில்ஹெட் மைதானத்தில் இன்று தொடங்கியது. இதில் இலங்கை அணி டாஸ் வென்று பேட்டிங்கை தேர்வு செய்தது.. அதன்படி இலங்கை அணியின் தொடக்க வீராங்கனை சமாரி அதபத்து 6, அனுஷ்கா 2 என இருவரும் ரன் அவுட் ஆகி அதிர்ச்சியளித்தனர்.
அதனை தொடர்ந்து வந்த வீராங்கனைகளான ஹர்ஷிதா 1, நிலாக்ஷி டி சில்வா 6,ஹாசினி பெரேரா 0, கவிஷா தில்ஹாரி 1 என அடுத்தடுத்து ஒற்றை இலக்க ரன்களில் ஆட்டம் இழந்து வெளியேறி தத்தளித்தது. இந்திய அணியின் பந்துவீச்சை சமாளிக்க முடியாமல் திணறிய இலங்கை அணி 20 ஓவர் முடிவில் 9 விக்கெட் இழந்து 65 ரன்கள் மட்டுமே எடுத்தது.. இலங்கை அணியில் அதிகபட்சமாக இனோகா ரணவீர 18 மற்றும் ஓஷதி ரணசிங்க 13 ரன்கள் எடுத்தனர்.. இந்திய மகளிர் அணி தரப்பில் ரேணுகா சிங் 3 விக்கெட்டுகளும், ராஜேஸ்வரி மற்றும் சினே ராணா ஆகியோர் தலா 2 விக்கெட்டுகளும் எடுத்தனர்.
Stuttering at 16/5 after the Powerplay, Sri Lanka have managed to put 65/9 on the board.#WomensAsiaCup2022 | Scorecard: https://t.co/l3rR5cdt4p
📸 @ACCMedia1 pic.twitter.com/Li5nABIQ0M
— ICC (@ICC) October 15, 2022