நாடு முழுவதும் வருகின்ற அக்டோபர் 24ஆம் தேதி தீபாவளி பண்டிகை கொண்டாடப்பட உள்ளது .இதனால் அனைத்து பகுதிகளிலும் பட்டாசு விற்பனை சூடு பிடிக்க தொடங்கியுள்ளது.அவ்வகையில் தீபாவளி பண்டிகையை முன்னிட்டு சென்னை தீவுத்திடலில் 47 சிறப்பு பட்டாசு விற்பனை கடைகள் அமைக்கப்பட்டுள்ளது.சிவகாசியை சேர்ந்த 20 முன்னணி நிறுவனங்கள் தீவுத்திடலில் ஸ்டால் அமைத்து பட்டாசுகளை விற்பனை செய்து வருகின்றன.
அங்கு அக்டோபர் 21ஆம் தேதிக்குள் முன்கூட்டியே வந்து பட்டாசு வாங்குபவர்களுக்கு 25% தள்ளுபடி வழங்கப்படுவதாக அறிவிக்கப்பட்டுள்ளது.மேலும் எந்த கடையில் பட்டாசு வாங்கினாலும் ஒரே விலையில் கிடைக்கும். டெபிட் மற்றும் கிரெடிட் கார்டு,google pay உள்ளிட்ட ஆன்லைன் மூலமும் பணம் செலுத்தலாம் என அறிவிக்கப்பட்டுள்ளது.