டிக் டாக் செயலியில் தனது பயணத்தைத் தொடங்கி தமிழ்நாடு முழுவதும் ஒரு காலத்தில் விமர்சிக்கப்பட்டவர்தான் ஜி.பி.முத்து. துவக்கத்தில் வெறுத்தவர்கள் அனைவரையும் தனது ரசிகர்களாக்கி கோலோச்சி வருகிறார் இவர். டிக் டாக் முடக்கப்பட்டதை தொடர்ந்து யூடியூபில் கலக்கியவர் தற்போது பிக் பாஸில் நுழைந்துள்ளார்.
பிக் பாஸ் சீசன் 6 விறுவிறுப்பாக நடைபெற்று வருகிறது. இந்நிலையில், நேற்றைய பிக் பாஸ் நிகழ்ச்சியின், இதுவரை எவிக்ஷன் ஏதும் இல்லாததால் அமைதியாக இருந்த பிக்பாஸ் வீட்டில் சூடுபிடிக்க தொடங்கியுள்ளது. இன்றைக்கு கைப்பிடியுடன் கூடிய சக்கரத்தில் தொங்குவது போன்ற டாஸ்க். ஜிபி முத்து, ஜனனி, சாந்தி என மூவர் பங்கேற்ற அந்த டாஸ்க்கில் நீண்ட நேரம் தொங்கி ஜிபி முத்து வெற்றி பெற்றார். அதனைத் தொடர்ந்து ஹவுஸ் மேட்ஸ் அனைவரும் ‘தலைவரே தலைவரே’ என கொண்டாடி வருகிறார்கள்.