“தூத்துக்குடி மாவட்ட அளவிலான எரிபந்து போட்டி”…. கோவில்பட்டி பள்ளி அணி அபார வெற்றி…!!!!!

தூத்துக்குடி மாவட்ட எரிபந்து போட்டியில் கோவில்பட்டி பள்ளி அணி வெற்றி பெற்றுள்ளது.

தூத்துக்குடி மாவட்டத்தில் உள்ள குமாரகிரி சி.கே.டி மெட்ரிக் மேல்நிலைப் பள்ளி மைதானத்தில் தூத்துக்குடி மாவட்ட அளவிலான எரிபந்து போட்டி நடைபெற்றது. இதில் கோவில்பட்டி எவரெஸ்ட் மாரியப்ப நாடார் மேல்நிலைப்பள்ளி மாணவர்கள் கலந்து கொண்டார்கள்.

இறுதிப்போட்டியில் இப்பள்ளி அணி ஸ்ரீ வைகுண்டம் பள்ளி அணியுடன் மோதியது. இதில் 15-9 என்ற புள்ளி கணக்கில் கோவில்பட்டி எவரெஸ்ட் மாரியப்ப நாடார் மேல்நிலைப்பள்ளி அணி வெற்றி பெற்று மாநில போட்டிக்கு தகுதி பெற்றுள்ளது. இதில் வெற்றி பெற்ற மாணவர்களுக்கு பாராட்டு விழா பள்ளி கலையரங்கத்தில் நடைபெற்றது. இவ்விழாவில் பள்ளி தலைவர் ஆர்.ஏ.அய்யனார் மாணவர்களுக்கு பரிசுகளை வழங்கினார்.