மாஸ்டர் பாடல் வெளியீட்டு விழாவில் விஜய் அரசியல் பற்றி பேசுவார் என ரசிகர்கள் எதிர்பார்ப்பில் உள்ளனர்
விஜய் நடிப்பில் வெளிவர இருக்கும் திரைப்படம் மாஸ்டர். இதில் வில்லன் கதாபாத்திரத்தில் விஜய் சேதுபதி நடித்துள்ளார். பிப்ரவரி மாதம் 14ஆம் தேதி இப்படத்தில் உள்ள குட்டி ஸ்டோரி பாடல் வெளியாகி ரசிகர்கள் மத்தியில் பெரும் வரவேற்பை பெற்றது. தற்போது மாஸ்டர் திரைப்படத்தின் பாடல் வெளியீட்டு விழா கோயம்புத்தூரில் நடக்க இருப்பதாக செய்திகள் வந்த வண்ணம் இருந்தன.
சென்னையில் அனுமதி கிடைப்பதில் பிரச்சனை ஏற்பட்டதாகவும் அதனால் தான் கோவையில் பாடல் வெளியீட்டு வெளியீட்டு விழா நடக்க இருப்பதாகவும் தகவல் வெளியாகின.ஆனால் உண்மையில் பாடல் வெளியீட்டு விழா சென்னையில் எம்ஆர் சி நகரில் இருக்கும் நட்சத்திர ஹோட்டல் ஒன்றில் வைத்து மார்ச் மாதம் 15 ஆம் தேதி வெளியாக இருப்பதாக அறிவித்துள்ளனர்.
பாடல் வெளியீட்டு விழாவில் நடப்பவை சமூக வலைத்தளங்களில் பரவாமலிருக்க செல்போன்களுக்கு மறுப்பு தெரிவிக்கும் எண்ணமும் இருப்பதாக தகவல் வெளியாகியுள்ளது.இதில் கலந்து கொள்ளும் விஜய் நிச்சயம் அரசியல் பற்றி பேசுவார் என ரசிகர்கள் பெரிதும் எதிர்பார்க்கின்றனர்.
