நேற்று நாடு முழுவதும் தீபாவளி பண்டிகை கொண்டாடப்பட்டது. மக்கள் அனைவரும் பட்டாசு வெடித்து கொண்டாடினார்கள். இந்நிலையில் மும்பை சிவாஜி நகரைச் சேர்ந்த சுனில் சங்கர் (21) என்ற இளைஞர், நேற்று 12,14,15 வயதுடைய 3 சிறுவர்கள் கண்ணாடி பாட்டிலில் வெடி வெடிப்பதை தடுத்துள்ளார்.
இதனால் வாக்குவாதம் முற்றவே சிறுவர்களில் ஒருவர் தான் வைத்திருந்த கத்தியை வைத்து அந்த இளைஞரை சரமாரியாக குத்தியுள்ளார். மருத்துவமனைக்கு கொண்டு செல்லும் வழியிலேயே அந்த இளைஞர் உயிரிழக்கவே, போலீசார் 2 சிறுவர்களை கைது செய்துள்ளனர். ஒரு சிறுவர் தப்பி விட்டார்.