சிரஞ்சீவி நடிக்கும் படத்தின் டைட்டில் லுக் ரிலீஸாகியுள்ளது .
தெலுங்கு சினிமாவில் பிரபல நடிகராக வலம் வருபவர் சிரஞ்சீவி. இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இவர் நடிப்பில் வெளியான ‘காட்பாதர்’ திரைப்படம் நல்ல வரவேற்பு பெற்றது. இந்த படத்துக்கு பிறகு இவர் நடிக்கும் திரைப்படம் ”வால்டர் வீரய்யா”.
இது இவரின் 154வது படம். மைத்ரி மூவி மேக்கர்ஸ் நிறுவனம் தயாரிக்கும் இந்த படத்தை எஸ். ரவீந்திரா இயக்குகிறார். இந்த படத்தில் கதாநாயகியாக ஸ்ருதிஹாசன் நடிக்கிறார். மேலும், ரவி தேஜா முக்கியமான கதாபாத்திரத்தில் நடிக்கிறார். தேவி ஸ்ரீ பிரசாத் இசையமைக்கும் இந்த படத்திற்கு ஆர்தர் வில்சன் ஒளிப்பதிவு செய்துள்ளார். இந்த படத்திற்கு கோனா வெங்கட், கே சக்ரவர்த்தி, ரெட்டி மற்றும் ஹரி மோகன் கிருஷ்ணா ஆகியோர் திரைக்கதை எழுதியுள்ளனர். இந்த படம் அடுத்த ஆண்டு சங்கராந்திக்கு ரிலீசாகும் என அறிவிக்கப்பட்டிருக்கிறது.