பாலிவுட் சினிமாவில் பிரபலமான தயாரிப்பாளராக வலம் வருபவர் கமல் கிஷோர் மிஸ்ரா. இவர் சர்மா ஜி கி லக் கயி, தேஹாட்டி டிஸ்கோ, காலி பாலி போன்ற பல படங்களை தயாரித்துள்ளார். இவர் மும்பையில் உள்ள அந்தேரி என்ற இடத்தில் தன்னுடைய குடும்பத்துடன் வசித்து வருகிறார். இந்நிலையில் கமல் மிஸ்ரா தான் வசிக்கும் அடுக்குமாடி குடியிருப்பின் கீழ் உள்ள கார் பார்க்கிங்கில் இருந்து தன்னுடைய காரை வெளியே எடுத்துள்ளார். அங்கு கமலின் மனைவி யாஸ்மின் அவரைத் தேடி சென்றுள்ளார்.
அப்போது கமல் மிஸ்ராவின் காருக்குள் வேறொரு பெண் இருந்துள்ளார். இதைப்பார்த்து அதிர்ச்சியடைந்த யாஸ்மின் தன்னுடைய கணவருடன் வாக்குவாதத்தில் ஈடுபட்டுள்ளார். இதனால் அங்கிருந்து தப்பி செல்வதற்காக கமல் தன்னுடைய காரை வெளியே எடுக்கும்போது யாஸ்மினின் மீது மோதியுள்ளார். இதில் யாஸ்மினுக்கு தலையில் பலத்த காயம் ஏற்பட்டுள்ளது. இதனையடுத்து கமல் மிஸ்ரா அங்கிருந்து தப்பி ஓடிவிட்டார்.
இந்நிலையில் பலத்த காயம் அடைந்த யாஸ்மின் காவல் நிலையத்தில் தன்னுடைய கணவர் மீது புகார் கொடுத்துள்ளார். அந்த புகாரின் படி வழக்குப்பதிவு செய்த காவல்துறையினர் சிசிடிவி கேமராவை ஆய்வு செய்ததில் கமல் மிஸ்ரா தன்னுடைய மனைவியின் மீது காரை ஏற்றியது தெரியவந்தது. இந்த சம்பவம் குறித்து காவல்துறையினர் தீவிர விசாரணை மேற்கொண்டு வருகிறார்கள். மேலும் பிரபல தயாரிப்பாளர் ஒருவர் தன்னுடைய மனைவியின் மீது காரை ஏற்றியது பாலிவுட் வட்டாரத்தில் பெரும் அதிர்வலைகளை ஏற்படுத்தியுள்ளது.
https://twitter.com/ANI/status/1585294131970334720?s=20&t=kKEuGyTBkRBh0jwFa600ng