தமிழ் சினிமாவில் மாநகரம் படத்தை இயக்கியதன் மூலம் அறிமுகமானவர் லோகேஷ் கனகராஜ். இவர் கைதி, மாஸ்டர் படங்களை இயக்கி தனக்கென ஒரு இடத்தை பிடித்துள்ளார். இவர் இயக்கத்தில் கமலஹாசன் கதாநாயகனாக நடிக்க விஜய் சேதுபதி பகத் பாசில், நரேன் சூர்யா உள்ளிட்ட பல பிரபலங்கள் முக்கிய கதாபாத்தில் நடித்த ‘விக்ரம்’ திரைப்படம் தமிழ், தெலுங்கு என பழமொழிகளில் சமீபத்தில் வெளியாகி ரூ.400 கோடிக்கு மேல் வசூல் சாதனை செய்தது.
அதனை தொடர்ந்து விக்ரம் திரைப்படம் ஓடிடியில் வெளியாகி சாதனை படைத்திருந்தாலும் சில திரையரங்குகளில் வெற்றிகரமாக ஓடி 100 நாட்களை கடந்துள்ளது. சமீபத்தில் இப்படத்தில் 100 வது நாள் கொண்டாட்டம் கோவையில் நடைபெற்றுள்ளது. இந்நிலையில் விக்ரம் திரைப்படத்தின் 100 வது நாள் கொண்டாட்டம் நடிகர் கமலஹாசனின் பிறந்த நாளான நவம்பர் 7ஆம் தேதி சென்னை கலைவாணர் அரங்கில் நடைபெற உள்ளது. இதனை விக்ரம் திரைப்படத்தின் தயாரிப்பு நிறுவனமான ராஜ்கமல் ஃபிலிம் இன்டர்நேஷனல் வெளியிட்டுள்ளது.