கிருஷ்ணகிரி மாவட்டத்திலுள்ள ஓசூர் சிப்காட் கோவிந்த அக்ரஹாரம் பகுதியில் கூலி தொழிலாளியான ராதே(28) என்பவர் வசித்து வருகிறார். இவருக்கு 3 வயதுடைய அனிகா என்ற மகள் இருந்துள்ளார். கடந்த 26-ஆம் தேதி ராதே தனது மகளுடன் மோட்டார் சைக்கிளில் சூளகிரி நோக்கி வந்து கொண்டிருந்தார். இந்நிலையில் அட்டகுறுக்கி அருகே சென்ற போது எந்த சிக்கனமும் இல்லாமல் முன்னால் சென்ற லாரி திடீரென திரும்பியது.
இதனால் ராதே ஓட்டி வந்த மோட்டார் சைக்கிள் லாரி மீது பயங்கரமாக மோதியது. இந்த விபத்தில் படுகாயமடைந்த ராதே மற்றும் 3 வயது குழந்தையை அக்கம் பக்கத்தினர் மீட்டு மருத்துவமனைக்கு சிகிச்சைக்காக அனுப்பி வைத்தனர். அங்கு சிகிச்சை பலனின்றி குழந்தை பரிதாபமாக இறந்தது. இந்த விபத்து குறித்து வழக்கு பதிவு செய்த போலீசார் விசாரணை நடத்தி வருகின்றனர்.