மத்திய பிரதேச மாநிலம் பாலகோட் அருகே பிரசித்தி பெற்ற ஜெயின் கோவில் அமைந்துள்ளது. இந்த கோவிலில் உள்ள சில பொருட்கள் சமீபத்தில் திருடப்பட்டுள்ளது. இது குறித்து காவல் துறையினர் வழக்குப்பதிவு செய்து விசாரணை மேற்கொண்டு வந்தனர். இந்நிலையில் ஒரு பொது இடத்தில் ஒரு மூட்டை கேட்பாரற்று கிடந்துள்ளது. இதைப் பார்த்த பொதுமக்கள் காவல் துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் மூட்டையை பிரித்து பார்த்துள்ளனர்.
அப்போது அந்த மூட்டைக்குள் ஜெயின் கோவிலில் இருந்து திருடப்பட்ட பொருட்கள் மற்றும் ஒரு கடிதம் இருந்துள்ளது. அந்த கடிதத்தை எடுத்து காவல்துறையினர் பார்த்தனர். அதில் ஜெயின் கோவிலில் உள்ள பொருட்களை நான் தான் திருடினேன். ஆனால் தற்போது என்னுடைய தவறை உணர்ந்து விட்டேன். இந்த பொருட்களை நான் திருடிய நாளிலிருந்து எனக்கு தீமைகள் மட்டுமே நடந்து கொண்டிருக்கிறது. அதனால்தான் இந்த பொருட்களை வைத்து விட்டேன் என்று குறிப்பிடப்பட்டிருந்தது. மேலும் திருடிய பொருட்களை திருடனை ஒப்படைத்த சம்பவம் அப்பகுதியில் ஆச்சரியத்தையும், பரபரப்பையும் ஏற்படுத்தியுள்ளது.