தமிழ் சினிமாவில் முன்னணி நடிகைகளில் ஒருவராக வலம் வந்து கொண்டிருப்பவர் தான் நடிகை சமந்தா. புஷ்பா திரைப்படத்தில் ஊ சொல்றியா மாமா என்ற பாடலுக்கு நடனமாடியதன் மூலம் பட்டி தொட்டி எல்லாம் பிரபலமானார். தற்போது இவருக்கு தமிழ் மட்டுமல்லாமல் பல மொழி படங்களிலும் நடிக்கும் வாய்ப்பு கிடைத்துள்ளது.
இதனிடையே சமீப காலமாக சமந்தாவிற்கு முகத்தில் ஒரு பிரச்சனை இருப்பதாகவும் அதற்காக அறுவை சிகிச்சை செய்து கொள்ள அவர் அமெரிக்கா சென்று திரும்பியதாகவும் ஒரு செய்தி இணையத்தில் உலா வந்து கொண்டிருக்கிறது. இருந்தாலும் சமந்தா தரப்பிலிருந்து எந்த ஊரு தகவலும் இதுவரை வெளியிடப்படவில்லை. அதேசமயம் சமந்தா சமீப காலமாக எந்த ஒரு புகைப்படமும் வெளியிடாத நிலையில் ரசிகர்கள் இதனை உறுதி செய்துள்ளனர்.
இந்நிலையில் மயோசிடிஸ் என்ற கொடிய நோயால் பாதிக்கப்பட்டுள்ளதாக சமந்தா சற்று முன் அறிவித்துள்ளார்.கையில் ட்ரிப்ஸ் ஏற்றிக் கொண்டே படத்திற்கு டப்பிங் செய்யும் புகைப்படம் ஒன்றை வெளியிட்ட அவர், இன்னும் சில மாதங்களில் இயல்பு நிலைக்கு திரும்பி விடுவார் என மருத்துவர்கள் நம்பிக்கை தெரிவிப்பதாக குறிப்பிட்டுள்ளார். ஒரு நாள் கூட இந்த வலியை தாங்க முடியவில்லை,இருப்பினும் இதுவும் கடந்து போகும் என அவர் பதிவிட்டுள்ள நிலையில் அவரின் ரசிகர்கள் மத்தியில் இந்த செய்தி அதிர்ச்சியை ஏற்படுத்தியுள்ளது.
இந்நிலையில் சமீபத்தில் சமந்தா நடித்த விளம்பரம் ஒன்றில் அவரது முகம் வீங்கிய நிலையில் வித்தியாசமாக காணப்பட்டது. அவர் பிளாஸ்டிக் சர்ஜரி செய்து கொண்டதாக அப்போது செய்திகள் வெளியாகின. ஆனால் அரிய வகை நோய் காரணமாகவே அவரது முகத்தில் மாற்றம் ஏற்பட்டதாக தெரிகின்றது. இதனை தொடர்ந்து அவர்கள் விரைவில் குணமடைய ரசிகர்கள் வாழ்த்தி வருகிறார்கள்.