விஜய் தொலைக்காட்சியில் ஒளிபரப்பப்பட்டு வரும் பிக் பாஸ் 6 நிகழ்ச்சியை தடை செய்ய வேண்டும் என்று தேசிய முன்னேற்ற கழகம் வலியுறுத்தியுள்ளது. இதுகுறித்து தேசிய முன்னேற்றக் கழகத்தின் நிறுவனத் தலைவர் டாக்டர் ஜி. ஜி சிவா வெளியிட்டுள்ள அறிக்கையில், பிக் பாஸ் நிகழ்ச்சியில் 21 போட்டியாளர்கள் கலந்து கொண்டு விளையாடிய வருகிறார்கள். இதில் நேற்று வெளியேறிய அசல் கோளாறு குவின்ஸியின் கையைப் பிடித்துக் கொண்டு செய்த செயலால் வீடியோவில் சிக்கினார்.
அதுமட்டுமின்றி மைனா நந்தினி, ஜனனி ஆகியோரையும் அசல் எல்லை மீறி தொட்ட வீடியோக்கள் சமூக வலைதளங்களில் பரவியதையடுத்து அசலின் அத்துமீறல்கள் தொடர்பாக கடும் எதிர்ப்பை பலரும் பதிவு செய்து வருகிறார்கள். இதற்கு இடையில் நிவா அசல் இடைய காதல் உருவாகி அவர்களும் அத்துமீறி நடந்து கொள்ளும் வீடியோ வெளியாகி உள்ளது. இது கலாச்சாரத்தை சீரழிக்கும் விதமாகவும் சண்டை, சச்சரவு காட்சிகள் அதிக அளவில் நாளுக்கு நாள் பிக்பாஸ் நிகழ்ச்சியில் இடம்பெற்று வருகிறது.
நிகழ்ச்சி என்ற பெயரில் எதை வேண்டுமானாலும் செய்யலாம் என்று தனியார் தொலைக்காட்சி நிர்வாகம் நினைத்துக் கொண்டிருக்கிறது. சமுதாய சீர்திருத்தம் என்பது அனைவருடைய கடமை. அந்த சமூக பொறுப்பை உணர்ந்து விஜய் தொலைக்காட்சி குழுமம் செயல்பட வேண்டும் என தேசிய முன்னேற்ற கழகம் சார்பில் கேட்டுக்கொள்கிறேன். மேலும் பிக் பாஸ் 6 நிகழ்ச்சி தடை செய்ய வேண்டும் என்று கோரிக்கை வைத்துள்ளார்.