தமிழ் சினிமாவில் உச்ச நட்சத்திரமாக ஜொலிப்பவர் தளபதி விஜய். இவர் நடிப்பில் வெளியான பீஸ்ட் திரைப்படம் எதிர்பார்த்த அளவுக்கு வெற்றி பெறவில்லை. இந்த படத்திற்கு பிறகு வம்சி இயக்கத்தில் வாரிசு என்ற படத்தில் விஜய் நடித்து வருகிறார். இப்படத்தில் ராஷ்மிகா மந்தனா ஹீரோயினாக நடிக்க, குஷ்பூ, மீனா, சங்கீதா, பிரகாஷ் ராஜ், சரத்குமார், யோகி பாபு, ஷாம் உள்ள பிரபலங்கள் முக்கிய வேடத்தில் நடிக்கின்றனர். இந்த படம் அடுத்த வருடம் பொங்கல் பண்டிகையை முன்னிட்டு ரிலீஸ் ஆகும் என்று அறிவிக்கப்பட்டுள்ளது. இந்த படத்தை தொடர்ந்து தளபதி 67 திரைப்படத்தை இயக்குனர் லோகேஷ் கனகராஜ் இயக்குகிறார். ஏற்கனவே லோகேஷ் கனகராஜ் மற்றும் விஜய் கூட்டணியில் வெளியான மாஸ்டர் திரைப்படம் சூப்பர் ஹிட் ஆனதால் தளபதி 67 திரைப்படத்திற்கு ரசிகர்கள் மத்தியில் மிகுந்த எதிர்பார்ப்பு இருக்கிறது.
இந்த படத்தில் திரிஷா ஹீரோயினாக நடிக்க இருப்பதாகவும், நடிகர்கள் அர்ஜுன், சஞ்சய் தத், பிரித்திவிராஜ் மற்றும் பிரகாஷ்ராஜ் உள்ளிட்டோர் வில்லன் கதாபாத்திரத்தில் நடிக்க இருப்பதாக தகவல்கள் வெளியாகியுள்ளது. இந்நிலையில் தற்போது நடிகர் விஷாலை தளபதி 67 திரைப்படத்தில் நடிக்க வைப்பதற்கான பேச்சுவார்த்தை நடைபெற்று வருவதாக ஒரு புதிய தகவல் வெளியாகியுள்ளது. இது தகவல்களுக்கு ஏற்றார் போன்று நடிகர் விஷாலின் மேனேஜரை இயக்குனர் லோகேஷ் கனகராஜ் சந்தித்து பேசியுள்ளார். இது தொடர்பான புகைப்படங்கள் தற்போது இணையதளத்தில் வைரல் ஆகி வருகிறது. மேலும் தளபதி 67 திரைப்படத்தின் அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
