சாலையோரம் இருந்த மரத்தின் மீது வேன் மோதிய விபத்தில் 8 பேர் பலத்த காயமடைந்த சம்பவம் பரபரப்பை ஏற்படுத்தியுள்ளது.
திருப்பூரில் சுந்தர்ராஜ் என்பவர் வசித்து வருகிறார். இவர் நீலகிரி மாவட்டம் காந்திபுரம் பகுதியில் வசிக்கும் சக்திவேல் என்பவரது வீட்டு விசேஷத்திற்காக தனது குடும்பத்தினருடன் சென்றுள்ளார். அதன் பின் நிகழ்ச்சியை முடித்துவிட்டு திருப்பூருக்கு வேனில் சென்று கொண்டிருந்தார். அப்போது திடீரென டிரைவரின் கட்டுப்பாட்டை இழந்த வேன் சாலையோரம் உள்ள மரத்தின் மீது மோதி கவிழ்ந்து விபத்துக்குள்ளானது. இதில் மரம் சாய்ந்ததில் மின்கம்பிகள் அறுந்து வேனின் மீது விழுந்தது.
இதில் வேனிலிருந்த 8 பேர் பலத்த காயமடைந்தனர். இதனை பார்த்த அந்த வழியாக சென்ற வாகன ஓட்டிகள் அவர்களை உடனடியாக மீட்டு மேட்டுப்பாளையம் அரசு மருத்துவமனைக்கு சிகிச்சைக்காக கொண்டு சென்றனர். இதனால் அப்பகுதியில் போக்குவரத்து பாதிப்பு ஏற்பட்டதால் காவல்துறையினர் போக்குவரத்து நெரிசலை சரி செய்யும் பணியில் ஈடுபட்டனர். மேலும் இது குறித்து வழக்கு பதிவு செய்த குன்னூர் காவல்துறையினர் விசாரணை மேற்கொண்டு வருகின்றனர்.