நள்ளிரவு நேரத்தில் மர்ம நபர்கள் மிளகாய் செடிகளை பிடுங்கி சென்றதால் பெண் அதிர்ச்சியடைந்தார்.
கடலூர் மாவட்டத்தில் உள்ள உறையூர் கிராமத்தில் ராமலிங்கம் என்பவர் வசித்து வந்துள்ளார். இவருக்கு கங்காதேவி என்ற மனைவி உள்ளார். கடந்த 2009-ஆம் ஆண்டு கூலி வேலை பார்த்துக் கொண்டிருந்தபோது பனைமரம் விழுந்து ராமலிங்கம் பரிதாபமாக உயிரிழந்தார். இந்நிலையில் வனத்துறையினரின் கட்டுப்பாட்டில் இருக்கும் உறையூர் மலட்டாறு ஓரத்தில் உள்ள 50 சென்ட் நிலத்தை சீர் செய்து கங்கா தேவி பயிர் செய்து வருகிறார்.
இவர் தனக்கு சொந்தமான நகைகளை அடகு வைத்து 40,000 ரூபாய் செலவில் மிளகாய் நாற்றுகளை நிலத்தில் நட்டு பராமரித்து வந்துள்ளார். நேற்று முன்தினம் நிலத்திற்கு சென்று பார்த்த போது நள்ளிரவு நேரத்தில் மர்ம நபர்கள் மிளகாய் செடிகளை பிடுங்கி சென்றது தெரியவந்தது. இதனால் கங்காதேவி கதறி அழுத சம்பவம் பரபரப்பை ஏற்படுத்தியுள்ளது.