சூர்யாவின் படத்தில் ஜோதிகா நடிக்கும் பொன்மகள் வந்தாள் திரைப்படத்தின் பர்ஸ்ட் லுக் போஸ்டர் வெளியாகி ரசிகர்கள் மத்தியில் பெரும் வரவேற்பை பெற்றுள்ளது
சூர்யாவிற்கு சொந்தமான 2டி என்டர்டெயின்மென்ட் நிறுவனம் தயாரிக்கும் திரைப்படம் பொன்மகள் வந்தாள். இத்திரைப்படத்தில் சூர்யாவின் மனைவியும் பிரபல நடிகையுமான ஜோதிகா அவர்கள் கதாநாயகியாக நடித்துள்ளார். மேலும் இத்திரைப்படத்தில் இயக்குனர் பார்த்திபன், பாக்கியராஜ் உள்ளிட்ட பிரபல நடிகர்கள் முக்கிய வேடங்களில் தனது நடிப்பை வெளிப்படுத்தியுள்ளனர்.
இத்திரைப்படத்தின் படப்பிடிப்பு நிறைவடைந்த நிலையில் பின்னணி வேலைகள் நடைபெற்று வருவதாக தகவல் வெளியாகி உள்ளது. இந்நிலையில் பொன்மகள் வந்தாள் திரைப்படத்தின் ஃபர்ஸ்ட் லுக் போஸ்டர் படக்குழுவினரால் வெளியிடப்பட்டுள்ளது. இத்திரைப்படம் மார்ச் மாதம் 27ஆம் தேதி வெளிவர உள்ளதாகவும் தகவல் வெளியாகி உள்ளது. இதனை தொடர்ந்து சூர்யா மற்றும் ஜோதிகாவின் ரசிகர்கள் இத்திரைப்படத்தை மிகுந்த ஆவலுடன் எதிர்பார்த்து காத்திருக்கின்றனர்.
