நீலகிரி மாவட்டத்தில் உள்ள ஓவேலி பேரூராட்சி பாரதிநகர் பகுதியில் தனியார் தேயிலை தோட்டம் அமைந்துள்ளது. இந்த தோட்டத்தில் சிறுத்தை இறந்து கிடப்பதாக கிடைத்த தகவலின் பேரில் வனத்துறையினர் அங்கு சென்று ஆய்வு செய்தனர். ஆனால் சிறுத்தை இறந்ததற்கான காரணம் தெரியவில்லை. இதனை அடுத்து முதுமலை கால்நடை டாக்டர் ராஜேஷ்குமார் தலைமையிலான மருத்துவ குழுவினர் சிறுத்தையின் உடலை பிரேத பரிசோதனை செய்தனர்.
பின்னர் சிறுத்தையின் உடல் தீ வைத்து எரிக்கப்பட்டது. இது குறித்து வனத்துறையினர் கூறும் போது, இறந்து கிடந்தது ஆறு வயதான ஆண் சிறுத்தை ஆகும். உடலில் காயங்கள் எதுவும் இல்லாததால் சிறுத்தையின் இறப்பு மர்மமாக இருக்கிறது. பிரேத பரிசோதனை அறிக்கை வந்த பிறகுதான் சிறுத்தை இறந்ததற்கான காரணம் தெரியவரும் என கூறியுள்ளனர்.