புதுச்சேரி, காரைக்காலில் 2 நாட்களுக்கு பள்ளி மற்றும் கல்லூரிகளுக்கு விடுமுறை அறிவிக்கப்பட்டுள்ளது.
வடகிழக்கு பருவமழை தொடங்கியுள்ளதால் தமிழகம் மற்றும் புதுச்சேரியில் கடந்த சில தினங்களாக கனமழை பெய்து வருகிறது. அதன்படி புதுச்சேரி மாநிலத்தில் இன்று அதிகாலை முதல் கனமழை பெய்து வருகின்றது. நகரப் பகுதி, கிராம பகுதியில் கனமழை பெய்து வருகின்றது. இதன் காரணமாக புதுச்சேரியில் உள்ள வீதிகள், முக்கிய பகுதிகளில் தண்ணீர் தேங்கி நிற்பதால் பொது மக்களுடைய வாகனம் செல்ல முடியாமல் மிகுந்த சிரமத்திற்கு உள்ளாகியுள்ளனர்.
இந்த நிலையில் புதுச்சேரி மற்றும் காரைக்காலில் நாளை (04.11.2022) மற்றும் நாளை மறுநாள் (05.11.202) இரு நாட்களும் பள்ளி மற்றும் கல்லூரிகளுக்கு விடுமுறை அளித்து அம்மாநில கல்வித்துறை அமைச்சர் நமச்சிவாயம் உத்தரவிட்டுள்ளார்.. புதுச்சேரியில் 5 நாட்கள் கனமழை நீடிக்கும் என வானிலை ஆய்வு மையம் தெரிவித்துள்ளது.
முன்னதாக புதுச்சேரி மற்றும் காரைக்காலில் 2 நாட்களுக்கு பள்ளிகளுக்கு மட்டும் விடுமுறை அளிக்கப்பட்ட நிலையில், தற்போது பலத்த மழை பெய்து வருவதால் கல்லூரிகளுக்கும் விடுமுறை அறிவிக்கப்பட்டுள்ளது.