சிவகார்த்திகேயனின் ‘மாவீரன்’ படம் குறித்த அப்டேட் வெளியாகியுள்ளது.
தமிழ் சினிமாவில் பிரபல முன்னணி நடிகராக வலம் வருபவர் சிவகார்த்திகேயன். இவர் நடிப்பில் வெளியாகும் படங்கள் ரசிகர்கள் மத்தியில் நல்ல வரவேற்பு பெற்று வருகிறது. சமீபத்தில் இவர் நடிப்பில் வெளியான திரைப்படம் ”பிரின்ஸ்”. இந்த திரைப்படம் ரசிகர்கள் மத்தியில் கலவையான விமர்சனங்களை பெற்றது.
இதனையடுத்து, இயக்குனர் மடோன் அஸ்வின் இயக்கத்தில் இவர் நடிக்கும் திரைப்படம் ”மாவீரன்”. இந்த படத்தில் மிஷ்கின், யோகி பாபு, சரிதா மற்றும் பல நடிக்கின்றனர். இந்த படத்தில் கதாநாயகியாக ஷங்கரின் மகள் அதிதி சங்கர் நடிக்கிறார். பிரின்ஸ் படம் எதிர்பார்த்த அளவு வெற்றி பெறவில்லை என்பதால், இந்த படத்தில் குறிப்பிட்ட சில காட்சிகள் வைக்க வேண்டும் என சிவகார்த்திகேயன் இயக்குனரிடம் கூறியதாக தகவல்கள் வெளியானது.
மேலும், இதற்காக தான் படப்பிடிப்பு தற்காலிகமாக நிறுத்தப்பட்டுள்ளதாகவும் கூறப்பட்டது. இந்நிலையில், நடிகை அதிதி சங்கர் படப்பிடிப்பு தளத்திலிருந்து புகைப்படம் ஒன்றை பகிர்ந்துள்ளார். அதில் படப்பிடிப்பு மீண்டும் தொடங்கியுள்ளதாக தெரிவித்துள்ளார். இவரின் இந்த பதிவை ரசிகர்கள் உற்சாகத்துடன் பகிர்ந்து வருகின்றனர்.