தமிழ் சினிமாவில் பிரபலமான இசை அமைப்பாளராகவும், நடிகராகவும் வலம் வருபவர் விஜய் ஆண்டனி. கடந்த 2005-ம் ஆண்டு சுக்ரன் திரைப்படத்தின் மூலம் இசையமைப்பாளராக அறிமுகமான விஜய் ஆண்டனி, கடந்த 2012-ம் ஆண்டு வெளியான நான் என்ற திரைப்படத்தின் மூலம் ஹீரோவாக அறிமுகமானார்.
அதன் பிறகு தான் நடித்த பல சூப்பர் ஹிட் திரைப்படங்களின் மூலம் தனக்கென தனி ரசிகர்கள் பட்டாளத்தை உருவாக்கிய விஜய் ஆண்டனி தற்போது பிச்சைக்காரன் 2, வள்ளி மயில், கொலை, மழை பிடிக்காத மனிதன், ரத்தம் உள்ளிட்ட திரைப்படங்களில் நடித்து வருகிறார்.
இந்நிலையில் புதுச்சேரி மாநிலத்தில் சங்கரதாஸ் சுவாமிகளின் 100-வது ஆண்டு நினைவு தினத்தை முன்னிட்டு நேற்று ஊர்வலம் நடைபெற்றது. இந்த ஊர்வலத்தில் நடிகர் விஜய் ஆண்டனி கலந்து கொண்டு நடுரோட்டில் நாடக கலைஞர்களுடன் நடனமாடி அவர்களை உற்சாகப் படுத்தினார். மேலும் இது தொடர்பான புகைப்படங்கள் மற்றும் வீடியோ இணைதளத்தில் வெளியாகி வைரலாகி வருகிறது.
