தமிழ் சினிமாவில் பிரபலமான நடிகராக வலம் வருபவர் வைபவ். இவர் வெங்கட் பிரபு குரூப்பில் ஒருவராக பலராலும் அறியப்பட்டவர். சரோஜா, மங்காத்தா போன்ற படங்களின் மூலம் பிரபலமான வைபவ் கப்பல், மேயாத மான், பபூன் போன்ற பல படங்களில் ஹீரோவாக நடித்துள்ளார். நடிகர் வைபவ் ஹீரோவாக மட்டுமின்றி படங்களில் குணச்சித்திர கதாபாத்திரத்திலும் நடித்து வருகிறார். இவர் பிரபல தெலுங்கு இயக்குனர் கோதண்டராம ரெட்டியின் மகன் ஆவார்.
கடந்த 2007-ம் ஆண்டு தெலுங்கில் வெளியான கோதவா என்ற திரைப்படத்தின் மூலம் தான் வைபவ் சினிமாவில் அறிமுகமானார். இவர் கடந்த 2011-ம் ஆண்டு சாத்வி ரெட்டி என்பவரை திருமணம் செய்தார். இந்த தம்பதிகளுக்கு 1 மகள் மற்றும் 2 மகன்கள் இருக்கிறார்கள். மேலும் நடிகர் வைபவ் தன்னுடைய 3 குழந்தைகளுடன் இருக்கும் புகைப்படமானது தற்போது இணையதளத்தில் வைரலாகி வருகிறது.
