விஜய் டிவி டிவியில் ஒளிபரப்பாகும் பிரபலமான பிக் பாஸ் சீசன் 6 நிகழ்ச்சி கடந்த அக்டோபர் 9 ஆம் தேதி தொடங்கி விறுவிறுப்பாக நடைபெற்று வருகிறது. அதனைத் தொடர்ந்து பிக் பாஸ் வீட்டில் சண்டை, பிரச்சினைகள் மட்டுமின்றி என்டர்டைன்மென்ட்க்கும் பஞ்சமில்லாமல் நடைபெற்று வருகிறது. ஜி.பி.முத்து 2 வது வார முடிவில் பிக் பாஸ் வீட்டை விட்டு அவராகவே வெளியேறினார். அதன் பிறகு முதல் போட்டியாளராக மெட்டி ஒலி சாந்தி, அசல், ஷெரினா ஆகியோர் பிக் பாஸ் வீட்டை விட்டு வெளியேற்றப்பட்டுள்ளர். பிக் பாஸில் மிகவும் ஸ்ட்ராங்கான போட்டியாளர்களாக கலந்து கொண்டவர் விஜே மகேஸ்வரி. இவர் நிகழ்ச்சி ஆரம்பத்திலிருந்து எல்லா விஷயங்களுக்கும் தனது பங்கை காட்டி வந்தார்.
இதற்கிடையில் சில போட்டியாளர்களுடன் அவருக்கு பிரச்சனை ஏற்பட்டது. ஆனால் விளையாட்டில் அதிக கவனம் செலுத்தி வந்தார். மகேஸ்வரி இறுதிக்கட்டம் வரை பிக் பாஸில் கடுமையாக விளையாடுவார் என்று தான் மக்கள் நினைத்தார்கள். ஆனால் கடந்த வாரம் குறைந்த வாக்குகள் பெற்று வெளியேறிவிட்டார். அவரது எலிமினேஷனை மக்களால் ஏற்றுக் கொள்ள முடியவில்லை என்பதுதான் உண்மை. மகேஸ்வரிக்கு ஒரு வாரத்தில் ரூ.2.5 முதல் ரூ.3 லட்சம் சம்பளம் பேசப்பட்டதாக கூறப்படுகிறது. தற்போது அவர் மொத்தமாக ரூ.14 முதல் ரூ.15 லட்சம் வரை சம்பளம் பெற்றுள்ளார் என்ற தகவல் வெளியாகி உள்ளது.